ភ្នំពេញ៖ ប្រជាពលរដ្ឋនៅទូទាំងប្រទេសប្រមាណ ២០ម៉ឺននាក់ បានទៅធ្វើការចុះឈ្មោះបោះឆ្នោតឆ្នាំ២០២២ សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ខាងមុខនេះ។
សេចក្ដីប្រកាសព័ត៌មាន ចុះថ្ងៃទី៥ ខែវិច្ឆិកា ឆ្នាំ២០២២ គណៈកម្មាធិការជាតិរៀបចំការបោះឆ្នោត (គជប) ឱ្យដឹងថា គិតត្រឹមថ្ងៃទី៤ ខែវិច្ឆិកា មានពលរដ្ឋ ២០៣ ១៣៦នាក់បានចុះឈ្មោះបោះឆ្នោតឆ្នាំ២០២២ ខណៈលុបឈ្មោះចេញចំនួន ១១៤ ៦៧៩នាក់ និងកែតម្រូវទិន្នន័យមាន ១៥ ០៨៣នាក់។
ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ ប្រព្រឹត្តទៅចាប់ពីថ្ងៃទី២០ ខែតុលា ដល់ថ្ងៃទី០៨ ខែធ្នូ ឆ្នាំ២០២២ គិតទាំងថ្ងៃសៅរ៍ និងថ្ងៃអាទិត្យ៕
